Yoshlarning jamiyat hayotidagi faolligini oshirish, ularning tashabbuslarini qo‘llab-quvvatlash hamda yoshlar bilan ishlash tizimini yanada takomillashtirish xalq deputatlari mahalliy Kengashlari faoliyatining muhim yo‘nalishlaridan biridir.

Shu maqsadda Xalq deputatlari Termiz shahar Kengashi kotibiyati bosh mutaxassisi R.Mamashukurov Kengash huzuridagi “Yoshlar maslahat” guruhi a’zosi A.Hasanov bilan suhbat o‘tkazdi.
Suhbat davomida guruh faoliyati samaradorligini oshirish, yoshlarning fikr va takliflarini o‘rganish, ularning muammolarini aniqlash hamda mavjud masalalar yuzasidan tegishli takliflarni ishlab chiqish masalalariga alohida e’tibor qaratildi.

Shuningdek, yoshlarni ijtimoiy-siyosiy jarayonlarga keng jalb etish, ularning tashabbuslarini ro‘yobga chiqarish, bandligini ta’minlash va bo‘sh vaqtini mazmunli tashkil etishga qaratilgan loyihalarni amalga oshirish muhimligi ta’kidlandi.

Uchrashuv yakunida “Yoshlar maslahat” guruhi faoliyatini yanada takomillashtirish, a’zolarning tashabbuskorligini oshirish hamda yoshlar manfaatlariga xizmat qiladigan samarali takliflarni ilgari surish bo‘yicha fikr almashildi.

Zero, yoshlar tashabbusini qo‘llab-quvvatlash — ularning kelajagiga sarmoya kiritish demakdir.