Uchrashuvda tuman yo‘l harakati xavfsizligi xizmati xodimi ham ishtirok etib, fuqarolarga yo‘l harakati qoidalariga amal qilishning ahamiyati, belgilangan yo‘l belgilari va harakatlanish tartibiga rioya etish, piyodalar xavfsizligini ta’minlash hamda haydovchilarning mas’uliyati yuzasidan tushuntirishlar berildi.
Muloqot davomida, ayniqsa, mahalla hududida piyodalar va avtotransport vositalari harakati xavfsizligini ta’minlash, bolalarning yo‘llarda harakatlanishida ehtiyotkorlik choralariga amal qilish, haydovchilar tomonidan tezlik me’yorlariga rioya etish hamda yo‘l harakati ishtirokchilarining o‘zaro hurmat va mas’uliyat asosida harakatlanishi zarurligi ta’kidlandi.
Shuningdek, fuqarolarning yo‘l harakati xavfsizligi bilan bog‘liq fikr va takliflari tinglanib, mavjud muammolar yuzasidan mas’ul xodimlar bilan fikr almashildi. Aholi tomonidan bildirilgan takliflarni o‘rganish va ularni bartaraf etish bo‘yicha tegishli choralarni ko‘rish muhimligi qayd etildi.
Mazkur uchrashuvdan ko‘zlangan asosiy maqsad — aholining yo‘l harakati xavfsizligi bo‘yicha huquqiy madaniyatini yuksaltirish, yo‘l harakati qoidalariga rioya qilish mas’uliyatini oshirish va mahalla hududida xavfsiz harakat muhitini shakllantirishdan iborat.
Yo‘l harakati xavfsizligiga rioya qilish nafaqat qonun talabi, balki har bir fuqaroning o‘z hayoti va atrofdagilar xavfsizligi oldidagi mas’uliyati ekanligi ta’kidlandi.