Hududiy kotibiyatlarda ijro intizomi o'rganildi.

👍Xalq deputatlari viloyat Kengashi bosh mutaxassisi M.Begimqulov tomonidan Xalq deputatlari Jomboy tumani Kengashi kotibiyati faoliyati o'rganildi.

✅Tahlil davomida kotibiyat tomonidan deputatlar faoliyatini tashkiliy jihatdan ta’minlash, doimiy komissiyalar ishini tashkil etish, deputatlik so‘rovlari va murojaatlari bilan ishlash, shuningdek, Kengash qarorlari ijrosini nazorat qilish borasida amalga oshirilayotgan ishlar ko‘rib chiqildi. Shuningdek, ish yuritish, hujjatlarni rasmiylashtirish hamda belgilangan vazifalarning ijrosi holati tahlil qilindi.

👨‍💼Tahlil yakunida kotibiyat faoliyatini yanada takomillashtirish, ishlarni samarali tashkil etish va belgilangan vazifalar ijrosini kuchaytirish yuzasidan tegishli tavsiya va takliflar berildi. Aniqlangan masalalar yuzasidan zarur choralar belgilandi.