Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov tomonidan tumanning “Aydarali” mahallasidagi xotin-qizlar faoli G.Suyerovning ish faoliyati o‘rganildi.

O‘rganish davomida “Ayollar daftari”ning 1-toifasiga kiritilgan 70 nafar xotin-qizlar bilan ishlash holati tahlil qilindi. Ushbu toifaga kiritilgan xotin-qizlarning ijtimoiy holatini yaxshilash, ularni daromad manbaiga ega bo‘lishlariga ko‘maklashish va bandligini ta’minlashga qaratilgan ishlarga alohida e’tibor qaratildi. Ma’lum bo‘lishicha, bugungi kunga qadar mazkur toifadagi 64 nafar xotin-qizlarning bandligi ta’minlangan. Ayni vaqtda 6 nafar xotin-qizlarning bandligini ta’minlash bo‘yicha ishlar davom ettirilmoqda. Ularning ehtiyoj va imkoniyatlaridan kelib chiqib, mos ish o‘rinlariga yo‘naltirish, zarur hollarda kasb-hunarga o‘qitish yoki o‘zini o‘zi band qilish imkoniyatlaridan foydalanish masalalariga e’tibor qaratish zarurligi ta’kidlandi.

🔻Shuningdek, ijtimoiy ko‘makka muhtoj xotin-qizlarning uy-joy sharoitini yaxshilash masalasi ham o‘rganildi. Jumladan, 2 nafar xotin-qizning uy-joyida ta’mirlash ishlari olib borilayotgani aniqlandi. Mazkur ishlar ehtiyojmand xotin-qizlarning yashash sharoitini yaxshilash va ular uchun munosib turmush sharoitlarini yaratishga qaratilgan.

🔻Mahallada “Ayollar daftari”ga kiritilgan xotin-qizlar bilan ishlash, jumladan, qolgan xotin-qizning bandligini ta’minlash va uy-joyi ta’mirlanayotgan xotin-qizlarni qo‘llab-quvvatlash bo‘yicha ishlar davom ettirilishi belgilandi.