Deputat va Kengash kotibiyati tomonidan hududdagi muammolar o‘rganildi

Xalq deputatlari Namangan shahar Kengashi kotibiyati bosh mutaxassisi M.Abdulmajidov hamda shahar Kengashi deputati A.Azimov tomonidan “Diyor” mahalla fuqarolar yig‘inida o‘rganish ishlari olib borildi.

O‘rganish davomida mahalladagi ichki ko‘cha yo‘llarining holati, mavjud kamchiliklar hamda ko‘chalarning tungi yoritilishi bilan bog‘liq masalalar joyiga chiqqan holda ko‘zdan kechirildi.

Aniqlangan muammolar yuzasidan tegishli tashkilotlar bilan hamkorlikda amaliy choralar ko‘rish, ichki yo‘llarni ta’mirlash hamda tungi yoritish tizimini yaxshilash bo‘yicha takliflar ishlab chiqildi.

Hududlarda mavjud muammolarni o‘z vaqtida aniqlash va bartaraf etish, aholi uchun qulay yashash sharoitlarini yaratish borasidagi bunday o‘rganishlar izchil davom ettiriladi.