Xalq deputatlari Qo‘qon shahar Kengashi deputati Sh.Xasanova tomonidan “Rayhon” mahalla fuqarolar yig‘inida hokim yordamchisi N.Komiljonov faoliyati yuzasidan O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari ijrosi doirasida amalga oshirilayotgan ishlar o‘rganildi.

O‘rganish jarayonida mahalla hududida faoliyat yuritayotgan yakka tartibdagi tadbirkor R.Mirzayevning faoliyati bilan yaqindan tanishildi. Ma’lum bo‘lishicha, hokim yordamchisining ko‘magi asosida tadbirkorga o‘z faoliyatini rivojlantirish maqsadida 100 million so‘m miqdorida imtiyozli kredit ajratilgan.

Shuningdek, korxona rahbariyati bilan muloqot o‘tkazilib, bugungi kunda korxonada 15 nafar xotin-qiz doimiy ish bilan ta’minlangani ma’lum bo‘ldi.

Muloqot davomida korxona faoliyatini yanada rivojlantirish, ishlab chiqarish hajmini oshirish, yangi ish o‘rinlarini yaratish, mahsulotlar eksportini yo‘lga qo‘yish hamda onlayn savdoni rivojlantirish masalalariga alohida e’tibor qaratildi.

Shuningdek, yangi loyihalarni ishga tushirish, mavjud bino va inshootlardan samarali foydalanish, mahalladagi bitiruvchi sinf o‘quvchilarini kasbga yo‘naltirish va kelgusida ularni korxonada ish bilan ta’minlash imkoniyatlarini kengaytirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi