Xalq deputatlari Yangiobod tuman Kengashi deputati A.Isroilov tomonidan Ho‘jamushkent QFYda hokim yordamchisining faoliyati joyiga chiqqan holda o‘rganildi.

O‘rganish davomida hududda ishsiz fuqarolarni aniqlash va ularni bandlikka yo‘naltirish, oilalar daromadini oshirish, yangi daromad manbalarini yaratish hamda tadbirkorlik faoliyatini kengaytirish bo‘yicha amalga oshirilayotgan ishlar tahlil qilindi.

Jumladan, mehnat qilish istagidagi fuqarolarni aniqlash, ularni mavjud bo‘sh ish o‘rinlariga yo‘naltirish, kasb-hunarga o‘qitish, o‘zini o‘zi band qilish va tadbirkorlik faoliyatini yo‘lga qo‘yish orqali barqaror daromad manbalarini shakllantirish masalalariga alohida e’tibor qaratildi.

Shuningdek, faoliyat yuritayotgan tadbirkorlik subyektlarini qo‘llab-quvvatlash, yangi biznes tashabbuslarini amalga oshirish, imtiyozli kredit va boshqa mavjud imkoniyatlardan samarali foydalanish orqali tadbirkorlik ko‘lamini kengaytirish yuzasidan olib borilayotgan ishlar o‘rganildi.

Hududdagi mahalla yettiligi bilan hamkorlikda har bir xonadon kesimida ishsiz fuqarolarni aniqlash, ularning muammolari va imkoniyatlarini o‘rganish, daromadini oshirishga qaratilgan aniq choralarni belgilash zarurligi ta’kidlandi.

O‘rganish yakunida ishsiz fuqarolarni bandlik bilan qamrab olish, oilalarning daromad manbalarini kengaytirish, tadbirkorlik tashabbuslarini qo‘llab-quvvatlash hamda belgilangan vazifalar ijrosini kuchaytirish yuzasidan tegishli tavsiyalar berildi.