VOYAGA YETMAGANLAR BILAN ISHLASH TIZIMI DEPUTATLIK NAZORATIDA
📌 Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan voyaga yetmagan shaxslarga jamoat tarbiyachilarini tayinlash va ular bilan ishlash tizimi bo‘yicha muhim qaror qabul qilindi.
📅 2026-yil 15-sentabrda doimiy komissiya raisi Ochilov Jamshid Ubaydullayevich rahbarligida qabul qilingan DKQ 03-03/142-26-son qaror bilan O‘zbekiston Respublikasi Vazirlar Mahkamasining 2021-yil 3-iyundagi 339-son qarori ijrosi tumanda kompleks o‘rganilishi belgilandi.
🎯 Mazkur o‘rganishning asosiy maqsadi — voyaga yetmaganlarning huquq va qonuniy manfaatlarini himoya qilish, ularning ta’lim-tarbiyasiga ko‘maklashish, nazoratsizligi va huquqbuzarliklarining oldini olish hamda ijtimoiy muhitga moslashuvini ta’minlashda jamoatchilik ishtirokini kuchaytirish.
Deputatlik nazorati — voyaga yetmaganlarning bugungi tarbiyasi va ertangi kelajagi uchun mas’uliyat!