O‘rganish davomida deputatlar tomonidan saylovchilar bilan uchrashuvlar o‘tkazilib, fuqarolarning bandligini ta’minlash, doimiy va mavsumiy ish o‘rinlariga joylashtirish, kasb-hunarga o‘qitish hamda tadbirkorlik faoliyatini yo‘lga qo‘yish istagidagi fuqarolarni qo‘llab-quvvatlash masalalariga e’tibor qaratildi.

Shuningdek, mahalladagi “yettilik” vakillari bilan hamkorlikda xonadonbay o‘rganishlar olib borilishi, ehtiyojmand va kam ta’minlangan oilalarni kambag‘allikdan chiqarish, ularning daromadlarini oshirish hamda mavjud muammolarini hal etish bo‘yicha amalga oshirilayotgan ishlar holati ko‘rib chiqildi.

O‘rganish jarayonida ayrim fuqarolarning doimiy ish bilan ta’minlanmagani hamda kasb-hunar egallash va tadbirkorlik faoliyatini boshlash uchun amaliy ko‘makka ehtiyoji mavjudligi aniqlandi. Mazkur muammolarni hal etish yuzasidan mahalla “yettiligi” bilan hamkorlikda tegishli choralarni ko‘rish va fuqarolarni mavjud imkoniyatlardan samarali foydalanishga yo‘naltirish bo‘yicha vazifalar belgilab olindi.