O‘rganish davomida asosiy oziq-ovqat mahsulotlari, jumladan, un, yog‘, shakar, guruch, go‘sht, kartoshka, piyoz va boshqa kundalik iste’mol mahsulotlarining narxlari tahlil qilindi. Shuningdek, savdo rastalarida mahsulotlarning mavjudligi, aholiga qulay sharoitlar yaratilgani hamda sanitariya holatiga e’tibor qaratildi.

O‘rganish jarayonida ayrim turdagi oziq-ovqat mahsulotlari narxlarida barqarorlik yetarli darajada emasligi, ayrim mahsulotlarning narxi boshqa savdo nuqtalariga nisbatan yuqoriligi aniqlandi. Shuningdek, ayrim savdo rastalarida narxlar ko‘rsatilmaganligi sababli xaridorlarda mahsulot narxi bo‘yicha tushunmovchiliklar yuzaga kelayotgani qayd etildi.

Aniqlangan muammolar yuzasidan mas’ullarga tegishli tavsiyalar berilib, aholi uchun zarur bo‘lgan oziq-ovqat mahsulotlari narxlarining asossiz oshib ketishiga yo‘l qo‘ymaslik, mahsulotlar zaxirasini yetarli darajada ta’minlash hamda narx ko‘rsatkichlarini savdo rastalarida aniq va ko‘rinadigan joyga joylashtirish bo‘yicha choralar ko‘rish belgilandi.