Xo‘jaqo‘rg‘on MFYda ichimlik suvi ta’minotini yaxshilash yuzasidan deputat so‘rovi yuborildi 

Xalq deputatlari Oltiariq tuman Kengashi deputati Uzakov Ravshanbek Pulatovich tomonidan Xo‘jaqo‘rg‘on MFY hududidagi ichimlik suvi ta’minoti masalasi yuzasidan deputat so‘rovi yuborildi. Murojaatda Birlik va Zakovot ko‘chalarida aholini barqaror ichimlik suvi bilan ta’minlash maqsadida mavjud suv tarmoqlarini kengaytirish zarurligi ko‘rsatib o‘tilgan. Birlik ko‘chasiga — 400 metr polietilen quvur; Zakovot ko‘chasiga — 200 metr polietilen quvur ajratish va o‘rnatish hamda hududlarda suv ta’minotini yaxshilash bo‘yicha amaliy choralar ko‘rish so‘ralgan.