XOTIN-QIZLAR MUAMMOLARI DEPUTATLIK NAZORATIDA

Xalq deputatlari Qo‘shko‘pir tumani Kengashi raisi M. Tangriberganov Do‘stlik mahallasida bo‘lib, mahalla xotin-qizlar faoli M. Masharipovaning faoliyati bilan yaqindan tanishdi.
Tashrif davomida “Ayollar daftari”ga kiritilgan xotin-qizlar bilan olib borilayotgan manzilli ishlar, ularning muammolarini o‘rganish, bandligini ta’minlash, ijtimoiy qo‘llab-quvvatlash va mavjud masalalarni hal etish borasidagi chora-tadbirlar muhokama qilindi.
Kengash raisi tomonidan xotin-qizlarning huquq va manfaatlarini himoya qilish, ularni har tomonlama qo‘llab-quvvatlash hamda murojaatlarda ko‘tarilgan muammolarni manzilli va amaliy hal etish yuzasidan deputatlik nazoratini kuchaytirish muhimligi ta’kidlandi.