Xalq deputatlari Chilonzor tuman Kengashi deputati, O‘zbekiston Ekologik partiyasi a’zosi Isxakov Doniyor Mahmudovich tomonidan ish reja ijrosi yuzasidan Xalqlar do‘stligi mahallasida joylashgan 285-sonli davlat maktabgacha ta’lim tashkilotining kuz-qish mavsumiga tayyorgarlik holati o‘rganildi.
O‘rganish davomida muassasaning isitish tizimi, issiqlik tarmoqlari, quvurlar va texnik jihozlarning holati, shuningdek, bolalar uchun yaratilgan shart-sharoitlar ko‘zdan kechirildi.
Xususan, isitish tizimining mavsum davomida barqaror va samarali ishlashini ta’minlash, mavjud kamchiliklarni bartaraf etish hamda sovuq kunlarda tarbiyalanuvchilar uchun zarur bo‘lgan iliq va xavfsiz muhitni yaratish masalalariga alohida e’tibor qaratildi.
Shuningdek, mas’ul xodimlar bilan suhbat davomida kuz-qish mavsumida yuzaga kelishi mumkin bo‘lgan muammolarning oldini olish, muhandislik-kommunikatsiya tarmoqlarini muntazam nazorat qilish va aniqlangan kamchiliklarni o‘z vaqtida bartaraf etish bo‘yicha tegishli tavsiyalar berildi.
Deputatlik nazorati doirasidagi bunday o‘rganishlardan asosiy maqsad — ta’lim muassasalarida bolalar uchun qulay, xavfsiz va munosib sharoitlarni ta’minlash, mavsumiy tayyorgarlik ishlarining sifatli tashkil etilishini nazorat qilishdan iborat.