Xalq deputatlari Paxtakor tumani Kengashi deputati B.Misratullayev tomonidan Buyuk Ipak yo‘li mahallasi Muqimiy ko‘chasidagi 186–187-sonli ko‘p qavatli uylar hududidagi mavjud muammolar o‘rganildi.

O‘rganish davomida kanalizatsiya tarmog‘ini o‘tkazish ishlari sababli ko‘p qavatli uylar oralig‘idagi piyodalar yo‘laklari buzilgani, shuningdek, uylarning ichki qismida olib borilgan qazish ishlari natijasida katta o‘yiqlar hosil bo‘lgani aniqlandi.
Mazkur holat fuqarolarning uyga kirib-chiqishi va hudud bo‘ylab xavfsiz harakatlanishida noqulayliklar keltirib chiqarmoqda.

Aniqlangan kamchiliklarni bartaraf etish, kanalizatsiya ishlari yakunlangach buzilgan piyodalar yo‘laklari va uylarning ichki qismidagi o‘yiqlarni qayta tiklash, hududni obodonlashtirish hamda fuqarolar uchun xavfsiz sharoit yaratish yuzasidan mas’ul tashkilotlarga deputatlik so‘rovi yuborildi.