Xalq deputatlari shahar Kengashi deputati Faxriddin Matasimov tomonidan O‘zbekiston Respublikasi Prezidentining PF-209-sonli Farmoni talablari asosida "Cho'lpon" mahallasida faoliyat olib borayotgan ijtimoiy xodim ish samaradorligi maxsus savolnoma yordamida atroflicha o‘rganildi.

O‘rganish davomida asosiy e’tibor qaratilgan yo‘nalishlar:
Ehtiyojmand oilalarni aniqlash: Mahalla hududidagi og‘ir ijtimoiy ahvolga tushib qolgan oilalar, yolg‘iz keksalar va nogironligi bo‘lgan shaxslarni manzilli ro‘yxatga olish holati.
Xizmatlar sifatini baholash: Ijtimoiy xodim tomonidan mahalla ahliga ko‘rsatilayotgan amaliy yordam va ko‘makning tezkorligi hamda samaradorligi.
PF-209-sonli Farmon ijrosi: Tizimda belgilangan topshiriqlar va yangi ijtimoiy himoya mexanizmlarining joylarda qay darajada amaliyotga joriy etilayotgani.

Natijalar va istiqboldagi vazifalar
O‘rganish yakunida aniqlangan masalalar yuzasidan ijtimoiy xodimga sohaga oid tegishli tavsiya va ko‘rsatmalar berildi. Deputat Faxriddin Matasimov tomonidan mahallada ijtimoiy himoyaga muhtoj fuqarolarga ko‘rsatilayotgan xizmatlar sifatini yanada oshirish, aholi muammolarini o‘z vaqtida hal etish yuzasidan doimiy nazorat va hamkorlik yo‘lga qo‘yilishi ta’kidlandi. Aniqlangan kamchiliklar deputatning ko'chama-ko'cha jurnaliga kiritilib, ijro nazoratiga olindi.