Sessiya ishida Xalq deputatlari shahar Kengashi deputatlari, Ekspert guruhi a'zolari, shahar moliya bo'limi va obodonlashtirish boshqarmasi hamda tegishli tashkilot rahbarlari ishtirok etdi.

✍️Kun tartibida quyidagi  masalalar muhokama qilindi:

1.  Olmaliq shahrida 2026-yilning 2-mavsumi doirasida o‘tkazilgan “Tashabbusli budjet” jarayonlari yakunlarini ko‘rib chiqish va g‘olib deb topilgan loyihalarni tasdiqlash to‘g‘risida;
2.  Olmaliq shahar Obodonlashtirish boshqarmasi tassarufidagi ichki va markaziy ko‘chalarni yakuniy manzilli ro‘yxatni tasdiqlash to‘g‘risida;
3.  Xalq deputatlari Olmaliq shahar Kengashining 2023-yil 20-iyuldagi “O‘zbekiston Respublikasi Oliy Majlisi Senati Kengashining 2023-yil 25-martdagi “O‘zbekiston Respublikasi Oliy Majlisi Senatining Reglament va odob komissiyasi faoliyatini yanada takomillashtirish to‘g‘risida”gi KQ-476- IV-sonli Qarori ijrosini ta’minlash to‘g‘risida”gi VI-74-61-10-147-K/23-sonli qaroriga o‘zgartirish to‘g‘risida.

Kun tartibidagi masalalar deputatlar tomonidan atroflicha muhokama qilinib, doimiy komissiya raislari xulosalari eshittirildi. Shahar rivoji va aholi farovonligini oshirishga qaratilgan tegishli qarorlar bir ovozdan ma'qullandi va tasdiqlandi.

Sessiyada onlayn ishtirok etgan deputatlar bo'lganligi sababli sanoq komissiyasi va sessiya yakunlari to'g'risida kotibning axboroti tinglandi.