#Deputatlik_nazorati #162_ta_eng_muhim_qonun #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️INSON HUQUQLARI VA QONUNLAR IJROSI YUZASIDAN MONITORING O‘TKAZILADI

🏛 Xalq deputatlari Toshkent shahar Kengashi kotibiyati mudiri, deputat Davronbek Ravshanbekov hamda O‘zbekiston Respublikasi Oliy Majlisining Inson huquqlari bo‘yicha vakili (Ombudsman)ning Toshkent shahridagi mintaqaviy vakili Baxtiyor Masharipov hamkorligida o‘rganish ishlari olib boriladi.

📍 O‘rganish Toshkent shahri Yashnobod tumani hududida joylashgan Birinchi mintaqaviy hudud 23-son mahkumlar uchun ixtisoslashtirilgan kasalxonada tashkil etilib, muassasada inson huquqlari, erkinliklari va qonuniy manfaatlariga rioya etilishi holatiga alohida e’tibor qaratiladi.

⚖️ Jarayonda mahkumlarga yaratilgan sharoitlar, ularga ko‘rsatilayotgan tibbiy xizmat sifati, dori-darmonlar bilan ta’minlanganlik, sanitariya-gigiyena holati, murojaat qilish imkoniyatlari hamda qonunchilikda belgilangan huquq va kafolatlarning amalda ta’minlanishi o‘rganiladi.

📚 Monitoring davomida mahalliy Kengash deputatlariga biriktirilgan 162 ta muhim qonun ijrosi, shuningdek, deputat faoliyatining 24 ta eng muhim yo‘nalishi doirasidagi tegishli masalalar ham tahlil qilinadi.

📋 Mazkur o‘rganish “O‘zbekiston Respublikasi Oliy Majlisining Inson huquqlari bo‘yicha vakili (Ombudsman) to‘g‘risida”gi O‘RQ–1002-son Qonun) talablariga muvofiq amalga oshiriladi. Qonunning 44-moddasida mintaqaviy vakilning hududda inson huquqlariga rioya etilishi bo‘yicha monitoring o‘tkazishi, 47-moddasida esa harakatlanish erkinligi cheklangan shaxslar saqlanadigan joylarga monitoring tashriflarini amalga oshirishi belgilangan.

✅ O‘rganish yakunlari bo‘yicha aniqlangan holatlar tahlil qilinib, inson huquqlari va qonuniy manfaatlarini yanada ishonchli ta’minlash yuzasidan tegishli tavsiyalar ishlab chiqiladi.

📱 Telegram 📱 Instagram 📱 Facebook 📱 YouTube 🔎 E-kengash