Xalq deputatlari Uzun tumani Kengashining 2-shodlik saylov okrugidan saylangan deputati A.Bakiyev Bahoriston mahalla fuqarolar yig‘inida bo‘lib, "Tashabbusi budjet" jarayonlari doirasida amalga oshirilayotgan bunyodkorlik va tartibga solish ishlarining borishi bilan yaqindan tanishdi.

Jarayon davomida deputat hududda bajarilayotgan ishlar sifatini ko‘zdan kechirib, mas’ullar va pudratchi tashkilot vakillari bilan muloqot qildi. Loyihalarning o‘z vaqtida, sifatli hamda belgilangan talablar asosida yakunlanishi muhimligini ta’kidlab, qurilish ishlarida jamoatchilik nazoratini kuchaytirish yuzasidan o‘z tavsiyalarini berdi.

Mahalla ahlining faolligi natijasida qo‘lga kiritilgan bu kabi ijobiy o‘zgarishlar hududni obod qilish, aholi uchun qulay shart-sharoitlar yaratishda muhim qadam bo‘lib xizmat qiladi. Deputat bu boradagi ishlar doimiy nazoratida bo‘lishini bildirdi.