Xalq deputatlari tuman Kengashi kotibiyatida 2027-yilgi dasturlar muhokama qilindi
Aholi va hududlar infratuzilmasini yaxshilash, yoʻl-transport tizimini rivojlantirish maqsadida istiqbolli rejalar koʻrib chiqilmoqda.
Xususan, tuman Kengashi kotibiyati xodimlari S.Bektemirov hamda J.Butayevlar kotibiyatga biriktirilgan tashkilot — Tuman yoʻllardan foydalanish unitar korxonasi xodimi bilan uchrashuv oʻtkazdilar.
Muloqot davomida 2027-yilgi davlat dasturlariga kiritiladigan ichki va markaziy yoʻllarni taʼmirlash, rekonstruksiya qilish hamda infratuzilmani yaxshilash loyihalari atroflicha muhokama qilindi. Aholi murojaatlari va hududdagi real ehtiyojlardan kelib chiqqan holda, eng muhim yoʻnalishlarni dastur loyihasiga kiritish boʻyicha kelishib olindi.