Xalıq deputatları Bozataw rayonlıq Keńesine 14-Shaxaman saylaw okruginen deputat ÓzXDPsı aǵzası A.Ablakumov tárepinen "Kók suw"APJ máhállesindegi sociallıq xızmetker tárepinen xalıqtıń sociallıq járdemge mútáj kategoriyalarına kórsetiletuǵın xızmettiń sapalı shólkemlestiriliwi, kem támiyinlengen shańaraqlarǵa sociallıq napaqalar hám materiallıq járdem tayınlaw hám tólew baǵdarında ámelge asırılıp atırǵan jumıslar menen tanıstı. 

Úyreniw dawamında puqaralarǵa materiallıq járdemler, sonıń ishinde dári-dármaq, emleniw, azıq-awqat, kiyim-kenshek hám zárúriy tovarlar hám de turaq jayın ońlaw ushın materiallıq járdemler kórsetilgen. Máhalledegi mayıplıǵı bolǵan shaxıslarǵa sociallıq xızmetler hám járdemler kórsetiw jumısları dıqqat orayında bolmaqta.