O‘rganish jarayonida mahallada faoliyat yuritayotgan mahalla raisi, hokim yordamchisi, xotin-qizlar faoli, yoshlar yetakchisi, ijtimoiy xodim hamda mahallaga biriktirilgan soliq inspektoriga yuklatilgan vazifalarning amaldagi ijrosi atroflicha tahlil qilindi.

Jumladan, aholi muammolarini aniqlash, “mahalla yettiligi” tomonidan ularni bartaraf etish bo‘yicha amalga oshirilayotgan ishlar, kam ta’minlangan va ehtiyojmand oilalar bilan ishlash, bandlikni ta’minlash, yoshlar va xotin-qizlar masalalari bo‘yicha olib borilayotgan chora-tadbirlar holati o‘rganildi.

Shuningdek, mahallada soliq intizomini mustahkamlash, tadbirkorlik subyektlari bilan ishlash, tushumlarni oshirish va yashirin iqtisodiyotni qisqartirishga qaratilgan ishlar ham tahlil etildi.

O‘rganish yakunida aniqlangan kamchiliklar yuzasidan mas’ullarga tegishli ko‘rsatma va tavsiyalar berilib, ularni bartaraf etish bo‘yicha aniq vazifalar belgilab olindi. Mazkur yo‘nalishdagi ishlar ustidan deputatlik nazorati davom ettirilishi belgilandi.

🇺🇿 Xalq deputatlari Peshku tuman Kengashi kotibiyati