Hazorasp tumanida doimiy komissiya yig‘ilishi bo‘lib o‘tdi.

🏛Xalq deputatlari Hazorasp tuman Kengashidagi “Korrupsiyaga qarshi kurashish va xavfsizlik masalalari bo‘yicha” Doimiy komissiyaning navbatdagi yig‘ilishi bo‘lib o‘tdi. 

Mazkur yig‘ilishda hududda korrupsiyaga qarshi kurashish, qonun ustuvorligini ta’minlash hamda jamoat xavfsizligini mustahkamlash borasida amalga oshirilayotgan ishlar muhokama qilindi.

Yig‘ilishni Doimiy komissiya raisi Karimova Xilola Qadamboevna olib bordi. 

📝U o‘z nutqida kun tartibidagi masalalarning dolzarbligiga to‘xtalib, tizimli va samarali ish olib borish zarurligini ta’kidladi.

Yig‘ilish jarayonida Xalq deputatlari Hazorasp tuman Kengashi kotibiyat mudiri Vaisov Mash’al Islomovich tomonidan tashkiliy va amaliy yordam ko‘rsatildi. U komissiya faoliyatini yanada samarali tashkil etish, masalalarni izchil hal etish muhimligini qayd etdi.

Shuningdek, yig‘ilishda 

✅Hazorasp tuman Ichki ishlar bo‘limi boshlig‘i, kapitan Axmedov Xotambek Azimboy o‘g‘li ishtirok etib, hududdagi kriminogen vaziyat, profilaktik tadbirlar hamda jinoyatchilikni oldini olish borasida amalga oshirilayotgan ishlar yuzasidan ma’lumot berdi.

❗️Yig‘ilish yakunida kun tartibidagi masalalar yuzasidan tegishli qarorlar qabul qilinib, mutasaddi tashkilotlarga aniq vazifalar belgilab berildi. Shuningdek, korrupsiyaga qarshi kurashish va jamoat xavfsizligini ta’minlash borasida hamkorlikni kuchaytirish zarurligi alohida ta’kidlandi