Qaqir mahallasida faoliyat tahlil qilindi 

Xalq deputatlari Quva tuman Kengashi deputati A. Isaxonov
tomonidan, Kengash kotibiyati bosh mutaxassisi A. Fozilov ishtirokida Qaqir
mahalla fuqarolar yig‘inida o‘rganish ishlari olib borildi. 

O‘rganish jarayonida, xususan, mahalla raisining “mahalla
yettiligi” a’zolari faoliyatiga umumiy rahbarlik qilish, ularning salohiyatidan
mahallani har tomonlama rivojlantirishda samarali foydalanish borasida amalga
oshirayotgan ishlari tahlil qilindi. 

Shuningdek, hokim yordamchisi tomonidan doimiy daromad
manbaiga ega bo‘lmagan ishsiz aholini kasb-hunar va tadbirkorlikka
yo‘naltirish, ularning bandligini ta’minlash, mahallada tadbirkorlikni
rivojlantirish hamda aholining tashabbuslarini qo‘llab-quvvatlash maqsadida
kredit va subsidiyalar ajratilishiga ko‘maklashish bo‘yicha olib borilayotgan
ishlar holati ham atroflicha o‘rganildi. 

O‘rganishlar yakunida aniqlangan kamchiliklar yuzasidan
mahalla raisi va hokim yordamchisiga tegishli tavsiyalar berilib, mavjud
muammolarni bartaraf etish bo‘yicha aniq vazifalar belgilab berildi.