Xalq deputatlari Surxondaryo viloyati Kengashining 2026-yil 10-fevraldagi VII-18-21-8-0-K/26 sonli qarori 6-bandida keltirilgan Mahalliy Kengashlar hamda Adliya boshqarmasi bilan hamkorlikda deputatlarning huquqiy bilim va ko‘nikmalarini yanada oshirish maqsadida joriy yilning fevral oyi yakuniga qadar tuman (shahar)larda o‘quv-seminarlar tashkil etish tavsiya etilgan edi. 

Mazkur tavsiya ijrosini ta’minlash maqsadida Termiz tuman Adliya bo‘limi yuridik xizmat ko‘rsatish markazi direktori Q.Tursunov, tuman Aldiya bo‘limi Yuridik xizmat ko‘rsatish markazi bosh yurist konsulti S.Mamajonova ishtirokida amaliy seminar-trening tashkil etildi. Seminar davomida deputatlarning vakolatlari, vazifalari va funksiyalari, ularning huquqiy asoslari hamda majburiyatlari yuzasidan batafsil tushuntirishlar berildi. Shuningdek, amaldagi qonunchilikka kiritilayotgan o‘zgartirish va qo‘shimchalar, yangilanayotgan normativ-huquqiy hujjatlar mazmun-mohiyati atroflicha muhokama qilindi.

Tadbir jarayonida deputatlar tomonidan berilgan savollarga Adliya boshqarmasi mutaxassislari tomonidan huquqiy asoslangan javoblar berildi hamda amaliy tavsiyalar taqdim etildi. Seminar interaktiv ruhda o‘tkazilib, ishtirokchilar uchun huquqiy savodxonlikni oshirish, qonun hujjatlarini to‘g‘ri qo‘llash va deputatlik faoliyatini samarali tashkil etish bo‘yicha zarur ko‘nikmalar shakllantirildi.