Xalq deputatlari viloyat Kengashi deputati S.Nazarova hamda Termiz tuman Kengashi raisi S.Nazarov, kotibiyat mudiri A.Avliyakulov hamda tuman Kengashi deputatlari Sh.Norsayev va Shafoatova Gulshod tomonidan.

O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari hamda oliy darajadagi tashriflar yakunlari bo‘yicha tasdiqlangan “yo‘l xaritalari” ijrosi doirasida belgilangan vazifalarni manzilli o‘rganish va tizimli nazoratini ta’minlash maqsadida navbatdagi o‘rganish ishlari o‘tkazildi.

O‘rganish jarayonida hududlarda olib borilayotgan qurilish va rekonstruksiya ishlari, ajratilgan mablag‘larning maqsadli sarflanishi hamda ishlarning belgilangan muddatlarda olib borilishi masalalariga alohida e’tibor qaratildi.

Jumladan, Termiz tumani “At-Termiziy” MFY hududidagi 22-sonli umumta’lim maktabini rekonstruksiya qilish hamda 300 o‘rinli qo‘shimcha o‘quv binosi qurish ishlari joyiga chiqib o‘rganildi.

Mazkur loyiha uchun tegishli mablag‘lar ajratilgan bo‘lib, qurilish ishlari belgilangan muddatlarda boshlangan. Hozirda qurilish jarayonlari reja asosida davom etmoqda.