Prezidentimiz tomonidan mahalla tizimini mustahkamlash, “Xalq davlat idoralariga emas, davlat idoralari xalqimizga xizmat qilishi kerak” tamoyilini amalda ta’minlash borasida ulkan ishlar qilinmoqda. Shu yo‘nalishdagi eng muhim qadamlardan biri – Vazirlar Mahkamasining 2024-yil 18-maydagi 292-sonli qarori bo‘ldi!

⏺Qarorning asosiy mohiyati:

Endilikda “Mahalla yettiligi” a’zolarining (hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori) ish samaradorligi (KPI) bo‘yicha baholashda mahalla raisining ishtiroki majburiy etib belgilandi!

⏺Buning ahamiyati nimada?

💬Mahalladagi muammolar, kamchiliklar va aholi murojaatlari bo‘yicha mas’ullarning faoliyatiga to‘g‘ridan-to‘g‘ri baho berish huquqi mahalla raisiga yuklanadi.

💬Samaradorlik oshadi: Har bir mas’ul o‘z ishiga yanada vijdonan yondashishga majbur bo‘ladi. Chunki endi ularning ishini umumiy raqamlar emas, balki bevosita mahalla raisi va mahalla ahli baholaydi.

💬Xalq manfaati ustuvor: Aholining real muammolarini hal qilishga qaratilgan amaliy ishlar baholash mezonining asosini tashkil etadi. Bu qog‘ozbozlik va rasmiyatchilikka chek qo‘yadi.

💬 Hokimiyatning “quyi pog‘onasi” kuchayadi: Mahalla raisi faqat tashkiliy ishlarni olib boruvchi shaxs emas, balki mahalla hayotidagi barcha jarayonlarga bevosita ta’sir o‘tkazuvchi kuchga aylanadi.

🫥Ushbu tartib “Mahalla yettiligi”ning aholi bilan yaqinligini ta’minlab, har bir mahallani tinch, obod va farovon qilishga xizmat qiladi.