MA’RIFIY TARGʻIBOT UCHRASHUVI O‘TKAZILDI

O‘zbekiston Xalq demokratik partiyasi Navoiy viloyati Kengashi tashabbusi bilan partiyaning Qiziltepa tuman bo‘limi, Mahallalar uyushmasi tuman bo‘limi va   Ma’naviyat va ma’rifat bo‘linmasi hamkorligida O‘zbekiston Respublikasi Prezidentining Oliy Majlis va O‘zbekiston xalqiga yo‘llagan Murojaatnomasi hamda “O‘zbekiston-2030” strategiyasida belgilab berilgan ustuvor vazifalarning mazmun-mohiyatini keng jamoatchilikka yetkazishga qaratilgan ma’rifiy targ‘ibot uchrashuvi o‘tkazildi.

Uchrashuvda partiyaning viloyat Kengashi mas’ullari, Xalq depututlari Qiziltepa tuman Kengashi deputatlari va hamkor tashkilotlar vakillari so‘zga chiqib, Murojaatnomada so‘nggi yillarda amalga oshirilgan keng ko‘lamli islohotlar natijasida erishilgan yutuqlarni atroflicha tahlil qilib, bugungi global tahdidlar, tashqi xavflar va mafkuraviy xurujlar kuchaygan sharoitda barqaror iqtisodiy o‘sish, aholi turmush darajasining izchil oshib borayotgani, ijtimoiy sohada qo‘lga kiritilgan muhim natijalarni bir qancha hayotiy misollar orqali tushuntirishdi.  

Tadbir davomida aholi vakillarining ham bu boradagi fikrlari tinglanib, jarayonlarda faol ishtirok etishga chaqirildi.