Xalq deputatlari Shovot tumani Kengashining 8-Shovot saylov okrugidan saylangan deputati Yusupova Feruza Shuxratovna, Shovot tumani Kengashi kotibiyatining bosh mutaxassisi D. Abdrimova hamda O‘zbekiston XDP Shovot tuman Kengashi raisi O. Akimova ishtirokida saylov okrugi hududida o‘rganish ishlari olib borildi.
O‘rganishlar davomida Shovot mahallasida ko‘chama ko‘cha yurib amalga oshirilayotgan obodonlashtirish va bunyodkorlik ishlari, yangi loyihalarning borishi, aholiga ko‘rsatilayotgan xizmatlar sifati hamda savdo shoxobchalarining faoliyati joyiga chiqib ko‘zdan kechirildi.
Shuningdek, hudud infratuzilmasini yanada rivojlantirish, fuqarolar uchun yaratilayotgan qulayliklarni kengaytirish hamda xizmatlar sifatini oshirish bo‘yicha amalga oshirilayotgan ishlar tahlil qilindi. Aholi bilan muloqot davomida ularning fikr va takliflari tinglanib, mavjud masalalarni hal etish yuzasidan tegishli tavsiyalar berildi.
Bunday o‘rganishlar hududlarni kompleks rivojlantirish, aholining turmush sifatini yaxshilash, zamonaviy va qulay yashash muhitini yaratish hamda fuqarolarning islohotlar samaralaridan rozi bo‘lishini ta’minlashga xizmat qiladi.