Xalıq deputatları Bozataw rayonlıq Keńesi 1-sanlı "Palwash ataw" saylaw okruginen deputat, rayonlıq Keńes sekretariatınıń baslıǵı A.Ibragimov tárepinen "Berdaq gúzar" kóshesinde bolıp, usı aymaq kóshe biyi M.Abdjamilov penen ushırasıw ótkerildi.

Ushırasıw dawamında kóshedegi abadanlastırıw jumısları, sanitariyalıq tazalıqtı saqlaw, infrastrukturanı jáne de jaqsılaw, sonday-aq, puqaralardı qızıqtırǵan sociallıq máseleler boyınsha pikir alısıldı. Kóshe biyiniń múrájatları hám usınısları tıńlanıp, olardıń sheshimin tabıw baǵdarında tiyisli shólkemler menen birgelikte ámeliy ilajlar belgilep alındı.

Deputat tárepinen saylawshılar menen turaqlı baylanıstı bekkemlew, aymaqtaǵı mashqalalardı óz waqtında úyreniw hám olardı basqıshpa-basqısh sheshiw boyınsha jumıslar izbe-iz dawam ettiriletuǵını atap ótildi.