Murojaatga ko‘ra, Mahtimquli ko‘chasining bir qismi "Majnuntol" mahallasiga, Furqat ko‘chasining bir qismi esa "Nurli kelajak" mahallasiga kadastr hisobida biriktirilganligi amaliyotda qator noqulayliklarni yuzaga keltirmoqda.

Aholining yashash manzili, kadastr va kommunal hujjatlari, mahalla tizimidagi hisoblari hamon "Pattakesar" mahallasi bilan bog‘liq bo‘lib, mavjud tafovut fuqarolarga davlat xizmatlaridan foydalanish, ijtimoiy masalalarni hal etish hamda hududiy mansublikni aniqlashda qiyinchiliklar tug‘dirmoqda.

Mazkur murojaat yuzasidan Kadastrlar palatasi Surxondaryo viloyat boshqarmasi Termiz shahar filialiga deputat so‘rovi yuborildi.

Deputat so‘rovida:
✅ hududiy chegaralar o‘zgarishining huquqiy asoslarini o‘rganish;
✅ kadastr ma’lumotlarining amaldagi holatini tahlil qilish;
✅ fuqarolar manfaatlarini inobatga olgan holda masalani qonuniy tartibda ko‘rib chiqish;
✅ ko‘rilgan choralar yuzasidan asoslantirilgan yozma javob taqdim etish so‘raldi.

Xalq deputatlari Termiz shahar Kengashi deputatlari saylovchilarning qonuniy manfaatlarini himoya qilish, hududlarda mavjud muammolarni tizimli hal etish va davlat organlari faoliyati ustidan deputatlik nazoratini amalga oshirishni izchil davom ettiradi.