Uchrashuv davomida mamlakatimizda amalga oshirilayotgan keng ko‘lamli islohotlar, amaldagi qonunchilikdagi yangiliklar hamda fuqarolar manfaatlarini ta’minlashga qaratilgan normativ-huquqiy hujjatlarning mazmun-mohiyati yuzasidan batafsil tushuntirishlar berildi.

Xususan, yer uchastkalari hamda ularda joylashgan bino va inshootlarga bo‘lgan huquqlarni e’tirof etish tartibi, shuningdek, yoqilg‘i-energetika sohasida bozor mexanizmlarini bosqichma-bosqich joriy etishga oid qarorlarning mazmuni va amaliy ahamiyati haqida atroflicha ma’lumotlar taqdim etildi.

Shuningdek, uchrashuv davomida mahalla aholisi tomonidan ko‘tarilgan muammolar, taklif va tashabbuslar tinglanib, ularni hal etish yuzasidan tegishli choralar belgilandi. Bildirilgan murojaatlar deputatlik nazoratiga olinib, masalalarni ijobiy hal etish maqsadida mutasaddi tashkilotlarga deputatlik so‘rovlari yuborilishi ta’kidlandi.

Fuqarolar bilan ochiq muloqot o‘tkazish, ularning muammo va takliflarini o‘rganish hamda qonunchilikdagi yangiliklarni keng targ‘ib qilish deputatlik faoliyatining muhim yo‘nalishlaridan biridir.

️ Xalq deputatlari Samarqand shahar Kengashi