Xalq deputatlari Paxtakor tumani Kengashining 13-Bo‘z saylov okrugi deputati D.Ergasheva tashabbusi bilan "Tashabbusli budjet" loyihasi doirasida Mingchinor mahallasi To‘maris qishlog‘i ichki yo‘llarini asfaltlashtirish bo‘yicha loyiha ilgari surildi.

Mazkur loyiha amalga oshirilishi natijasida qishloqdagi 2 350 metr ichki yo‘llar ta'mirlanib, aholi uchun qulay va xavfsiz harakatlanish sharoiti yaratiladi hamda yo‘llarning zamonaviy holatga keltirilishi hudud infratuzilmasini yaxshilash, fuqarolarning turmush sifatini oshirishga xizmat qiladi.

Yurtimizda amalga oshirilayotgan "Tashabbusli budjet" tizimi orqali bunday tashabbuslar mahallalarni yanada obod qilish, aholi muammolarini hal etish va infratuzilmani rivojlantirishda muhim ahamiyat kasb etmoqda.

Deputat D.Ergasheva ham mazkur imkoniyatdan samarali foydalanib saylovchilari manfaatlarini ko‘zlagan ushbu loyihani ilgari surdi.