Xalq deputatlari Pastdarg‘om tuman Kengashining navbatdagi sessiyasi kun tartibiga kiritilgan masalalar doirasida mahallalar va ta’lim muassasalarida yoshlarning yozgi ta’til davrini mazmunli va samarali tashkil etishga qaratilgan “Dolzarb 90 kun” tadbirlari ijrosi deputatlar tomonidan joylarda o‘rganilmoqda.

Jumladan, deputat X. Sulaymonova tumandagi 23-sonli umumiy o‘rta ta’lim maktabida bo‘lib, yozgi ta’til davrida o‘quvchilar uchun tashkil etilgan mashg‘ulotlar, turli yo‘nalishdagi to‘garaklar, sport musobaqalari hamda ma’naviy-ma’rifiy tadbirlarning borishi bilan tanishdi.

O‘rganish jarayonida o‘quvchilarning bo‘sh vaqtini mazmunli tashkil etish, ularni sport, kitobxonlik, ijodiy va intellektual faoliyatga keng jalb etish bo‘yicha yaratilgan sharoitlar ko‘zdan kechirildi.

Shuningdek, olib borilayotgan ishlar samaradorligi yuzasidan mas’ullar bilan fikr almashilib, taklif va tavsiyalar berildi.