📖 O‘rganishlar O‘zbekiston Respublikasi Prezidentining 2026-yil 24-iyundagi PF–116-son "Mahalla boshqaruvini samarali tashkil etishga oid qo‘shimcha chora-tadbirlar to‘g‘risida"gi Farmoni ijrosini ta’minlash hamda deputatlik nazoratini kuchaytirish maqsadida tashkil etildi.

🤝 Uchrashuv davomida mahalla raisi, "mahalla yettiligi" a'zolari va mahalla faollari bilan hududdagi mavjud holat yuzasidan atroflicha fikr almashildi.

🔎 Xususan, quyidagi yo‘nalishlar bo‘yicha olib borilayotgan ishlar tahlil qilindi:

🔹 "Mahallabay" ishlash tizimining samaradorligi va aholi muammolarini manzilli hal etish amaliyoti;

🔹 fuqarolar murojaatlarini qabul qilish, ularni o‘z vaqtida ko‘rib chiqish hamda ijrosini ta'minlash holati;

🔹 ijtimoiy himoyaga muhtoj oilalarni qo‘llab-quvvatlash, kambag‘allikni qisqartirish va bandlikni ta'minlash bo‘yicha amalga oshirilayotgan ishlar;

🔹 yoshlar va xotin-qizlar bilan ishlash, ularni kasb-hunarga o‘qitish, tadbirkorlikka jalb etish hamda ijtimoiy faolligini oshirishga qaratilgan chora-tadbirlar;

🔹 PF–116-son Farmoni doirasida mahalla boshqaruvining samaradorligini oshirish, "mahalla yettiligi" faoliyatini muvofiqlashtirish hamda davlat organlari bilan hamkorlikni kuchaytirish borasidagi ishlar.

💬 Muloqot davomida hudud aholisi tomonidan bildirilgan taklif va murojaatlar tinglanib, mavjud muammolarni joyida hal etish imkoniyatlari ko‘rib chiqildi. Aniqlangan masalalar yuzasidan mutasaddilarga tegishli tavsiyalar berilib, ijrosi deputatlik nazoratiga olindi.

📌 Ta'kidlanganidek, joylarda o‘tkazilayotgan bunday o‘rganishlar nafaqat mavjud muammolarni aniqlash, balki ularni tizimli ravishda bartaraf etish, ijro organlari faoliyatini baholash va Kengashning navbatdagi sessiyalarida muhokama etiladigan dolzarb masalalarni shakllantirishda muhim ahamiyat kasb etadi.

✅ Xalq deputatlari Termiz shahar Kengashi tomonidan hududlarda olib borilayotgan deputatlik nazorati, saylovchilar bilan ochiq muloqot va manzilli o‘rganishlar bundan buyon ham izchil davom ettirilib, har bir murojaat va muammo amaliy yechim topishi ustuvor vazifa sifatida nazoratda bo‘ladi.