Bugun Xalq deputatlari Termiz shahar Kengashi kotibiyati mudiri, deputat A.Ashurov hamda Kengash kotibiyati bosh mutaxassisi A.Temirov 24-"Abdurahmon Jomiy" saylov okrugidan saylangan deputat A.Tog‘aymuratov saylov okrugiga qarashli “Abdurahmon Jomiy” mahallasida navbatdagi nazorat-o‘rganish tadbirlarini o‘tkazdilar.

O‘rganish davomida deputatlar faoliyatining "24 ta eng muhim ustuvor yo‘nalishi" asosida mahalladagi ijtimoiy-iqtisodiy holat, aholi bilan ishlash tizimi hamda "mahalla yettiligi" faoliyatining samaradorligi atroflicha tahlil qilindi.

💬 Mahalla raisi faoliyati yuzasidan hududdagi ijtimoiy-ma'naviy muhit barqarorligi, "mahallabay" ishlash tizimi, fuqarolar murojaatlarini o‘z vaqtida va sifatli ko‘rib chiqish, obodonlashtirish hamda aholi muammolarini manzilli hal etish borasida amalga oshirilayotgan ishlar o‘rganildi.

💬 Hokim yordamchisi faoliyati bo‘yicha kambag‘allikni qisqartirish, aholini doimiy daromad manbai bilan ta'minlash, tadbirkorlikni rivojlantirish, imtiyozli kredit va subsidiya dasturlaridan samarali foydalanish hamda bandlikni ta'minlash yuzasidan olib borilayotgan ishlar muhokama qilindi.

💬 Yoshlar yetakchisi faoliyati doirasida yoshlar bandligini ta'minlash, ularni kasb-hunarga o‘qitish, bo‘sh vaqtini mazmunli tashkil etish, sport va ma'naviy-ma'rifiy tadbirlarga jalb etish hamda "Yoshlar daftari" bilan ishlash holati tahlil qilindi.

🤝 O‘rganish davomida "mahalla yettiligi" a'zolarining o‘zaro hamkorligi, davlat organlari bilan muvofiqlashtirilgan ishlash tizimi hamda aholi murojaatlariga tezkor munosabat bildirish amaliyoti yuzasidan mas'ullar bilan ochiq muloqot o‘tkazildi.

✅ Tadbir yakunida aniqlangan holatlar yuzasidan tegishli tavsiyalar berildi. Xususan, mahalla faollarining ish samaradorligini oshirish, "mahalla yettiligi"ning o‘zaro hamkorligini yanada mustahkamlash, kambag‘allikni qisqartirish, yoshlar bandligini ta'minlash hamda fuqarolar murojaatlari bilan ishlash sifatini yaxshilash bo‘yicha aniq vazifalar belgilab olindi.

🏛 Xalq deputatlari Termiz shahar Kengashi tomonidan joylarda olib borilayotgan bunday o‘rganishlar mahalliy davlat hokimiyati organlari faoliyati ustidan ta'sirchan deputatlik nazoratini kuchaytirish, qonun hujjatlari ijrosini ta'minlash hamda mahallalarda aholi farovonligini oshirishga xizmat qilmoqda.