📌 Mahallalarda tinchlik-osoyishtalikni taʼminlash va jinoyatchilikning barvaqt oldini olish bugungi kunning eng dolzarb vazifalaridan biridir. Shu maqsadda, Jizzax shahrining 11-“Tinchlik” saylov okrugi hududida navbatdagi o‘rganish ishlari olib borildi.

🔸Unda Xalq deputatlari Jizzax shahar Kengashi kotibiyati bosh mutaxassisi A.Yakubov, deputat V.Isakov hamda doimiy komissiya raisi B.Toshpo‘latov ishtirok etdi. Xalq vakillari va mutaxassislar MFY “yettiligi” aʼzolari hamda masʼul idora vakillari bilan birgalikda hududdagi haqiqiy ahvolni ko‘zdan kechirishdi.

🔸O‘rganish davomida asosiy eʼtibor jinoyatchilik yuz berishi mumkin bo‘lgan xavfli nuqtalarga qaratildi. Xususan, aholi xavfsizligini taʼminlash va tungi vaqtlarda nazoratni kuchaytirish maqsadida, mahalladagi “Marg‘iyona” ko‘chasiga zamonaviy kuzatuv kameralarini o‘rnatish masalasi atroflicha muhokama qilinib, chora-tadbirlar belgilandi.