Xalq deputatlari Parkent tumani Kengashiga 15-Beshkappa saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna, Xalq deputatlari Parkent tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi raisi Muxitdinov Xusnitdin Muxitdinovich, tuman Kengashi deputatlari Xojiboyev Jalol Xotamboyevich hamda Usipxodjayev Yerlan Ormanovich,
shuningdek, mutasaddi tashkilotlar rahbarlari ishtirokida “Gulbog‘” mahalla fuqarolar yig‘inida uchrashuv tashkil etildi.Uchrashuvdan ko‘zlangan asosiy maqsad hududda qurilishi boshlangan ko‘p qavatli uylar va mazkur loyiha doirasida amalga oshiriladigan bunyodkorlik ishlari yuzasidan aholini xabardor qilish, ochiq muloqot o‘tkazish hamda fuqarolarning fikr va takliflarini tinglashdan iborat bo‘ldi.Shuningdek, fuqarolar tomonidan bildirilgan taklif va mulohazalar tinglanib, ularni qiziqtirgan savollarga mutasaddi tashkilotlar vakillari tomonidan batafsil javoblar berildi. Bildirilgan takliflar belgilangan tartibda ko‘rib chiqilishi va amaliy jihatdan o‘rganilishi ta'kidlandi.Xalq deputatlari Parkent tumani Kengashi tomonidan hududlarda amalga oshirilayotgan bunyodkorlik va rivojlantirish loyihalari yuzasidan aholi bilan ochiq muloqotlarni tashkil etish hamda jamoatchilik fikrini inobatga olish amaliyoti izchil davom ettirilmoqda.