Xalq deputatlari Termiz shahar Kengashining 7-“Bog‘ishamol” saylov okrugi deputati Sh.Allamurodova hamda shahar hokimining o‘rinbosari B.Ergashovlar “Bog‘ishamol” mahallasidagi "Farovon" massivida bo‘ldilar.

💬Mazkur tashrif joriy yilning 6-iyul sanasida 143-ds-408-26-son fuqarolar murojaati asosida yo‘llangan deputatlik so‘rovi ijrosini bevosita joyiga chiqqan holda ta’minlash maqsadida tashkil etildi.

💬Deputatlik so‘rovida ko‘p qavatli uylarning kirish yo‘laklariga (podyezdlariga) tungi yoritish chiroqlarini o‘rnatish, binolarning yer to‘la (podval) qismidagi nosoz suv quvurlarini mukammal ta’mirlash hamda yer to‘lalarni chiqindilardan tozalash va sanitariya holatini yaxshilash masalalar ko‘tarilgan edi.

💬Deputat Sh.Allamurodova va shahar hokimi o‘rinbosari B.Ergashov uylarning kirish yo‘laklari hamda yer to‘lalarini birma-bir ko‘zdan kechirdilar.

💬Aniqlangan barcha kamchiliklarni sifatli qilib bartaraf etish yuzasidan hududga xizmat ko‘rsatuvchi Boshqaruv servis kompaniyasi (BSK) rahbarlariga ko‘rsatmalar berildi.

💬"Deputatlik so‘rovi faqatgina qog‘ozda qolmasligi shart. Bugun shahar hokimligi bilan birgalikda Farovon massividagi muammolarni joyida ko‘rdik. Boshqaruv servis kompaniyalari aholidan yig‘ilayotgan mablag‘lar evaziga sifatli xizmat ko‘rsatishga majbur. Biz barcha kamchiliklar bartaraf etilgunga qadar nazoratni to‘xtatmaymiz," — deya ta'kidladi deputat.