“Doslıq” MPJ aymaǵındaǵı suwǵarıw tarmaqların betonlaw jumısları menen tanıstı

♻️ Xalıq deputatları rayonlıq Keńesi sekretariat baslıǵı M.Zarikeev “Doslıq” MPJ aymaǵındaǵı suwǵarıw tarmaqların betonlaw jumısları menen jaqınnan tanıstı.

Deputat tárepinen qurılıs-montajlaw jumıslarınıń barısı, orınlanıp atırǵan jumıslardıń sapası, joybar hújjetlerine muwapıqlıǵı hám belgilengen múddetlerde juwmaqlanıwı boyınsha juwapkerler menen sóylesti.

Sonday-aq, betonlaw jumıslarında paydalanılıp atırǵan qurılıs materiallarınıń sapası, texnika hám mexanizmlerden nátiyjeli paydalanıw, qáwipsizlik qaǵıydalarına ámel etiliwi hám jumıslardıń jedelligi ayrıqsha kózden ótkerildi.

Deputat bul joybar awıl xojalıǵında suw resurslarınan aqılǵa uǵras paydalanıw, suwǵarıw sistemasınıń nátiyjeliligin arttırıw hám suw ısırapgershiliginiń aldın alıwda úlken áhmietke ie ekenin atap ótti.

Úyreniw juwmaǵında anıqlanǵan máseleler boyınsha juwapkerlerge tiyisli usınıslar berildi hám bul jumıslar deputatlıq qadaǵalawǵa alındı.