Turaqlı komissiya rayonlıq Awıl xojalıǵı bólimi jumısı menen tanıstı

♻️Xalıq deputatları Shımbay rayonlıq Keńesiniń Agrar, suw xojalıǵı hám ekologiya máseleleri boyınsha turaqlı komissiyasınıń baslıǵı A.Turǵanbaev rayondaǵı Awıl xojalıǵı bóliminde bolıp, tarawda ámelge asırılıp atırǵan jumıslar hám bólimniń jumısı menen jaqınnan tanıstı.

Úyreniw dawamında awıl xojalıǵı eginlerin tárbiyalaw, suw resurslarınan aqılǵa uǵras paydalanıw, agrotexnikalıq ilajlardıń óz waqtında orınlanıwı, fermer hám diyqan xojalıqların qollap-quwatlaw jáne tarawǵa baylanıslı mámleketlik baǵdarlamalardıń orınlanıwı boyınsha alıp barılıp atırǵan jumıslar dodalandı.
Sonday-aq, bólim qánigeleri menen ushırasıw ótkerilip, bar mashqalalar, olardı saplastırıw ilajları hám awıl xojalıǵı óndirisiniń nátiyjeliligin bunnan bılay da arttırıw boyınsha usınıslar kórip shıǵıldı.
Úyreniw juwmaǵında turaqlı komissiya baslıǵı tárepinen anıqlanǵan máseleler boyınsha tiyisli usınıslar berildi hám awıl xojalıǵı tarawında ámelge asırılıp atırǵan jumıslar turaqlı deputatlıq qadaǵalawǵa alındı.