MAHALLADA TADBIRKORLIKNI RIVOJLANTIRISh ISHLARI DEPUTATLIK NAZORATIDA

Xalq deputatlari Quva tuman Kengashi deputati A. Mo‘minov hamda tuman
Kengashi kotibiyati bosh mutaxassisi M. To‘xtasinov tomonidan Qorashox
mahallasida hokim yordamchisining faoliyati manzilli o‘rganildi.

O‘rganish jarayonida hokim yordamchisining ko‘magi bilan kredit mablag‘lari
ajratilib, issiqxona tashkil etgan hamda bodring ko‘chatlarini yetishtirish
bilan shug‘ullanayotgan tadbirkor xonadon faoliyati ko‘zdan kechirildi.

Shuningdek, issiqxonada yaratilgan shart-sharoitlar, bodring ko‘chatlarini
parvarishlash jarayoni, mahsulot yetishtirish hajmi, oilaning doimiy daromad
manbaini shakllantirish bo‘yicha amalga oshirilayotgan ishlar bilan yaqindan
tanishildi.

O‘rganish yakunida aholini tadbirkorlikka keng jalb etish, imtiyozli kredit
mablag‘laridan samarali va maqsadli foydalanish, yangi daromad manbalarini
yaratish hamda tadbirkorlik sub’ektlarini har tomonlama qo‘llab-quvvatlash
yuzasidan hokim yordamchisiga tegishli tavsiyalar berildi.

Shu bilan birga, o‘rganish davomida aniqlangan kamchiliklar va tavsiyalar “Deputatning
ko‘chma o‘rganish daftari»ga qayd etildi hamda ularni bartaraf etish yuzasidan
mas’ullarga tegishli vazifalar belgilanib, ijrosi deputatlik nazoratiga olindi.