Xalq deputatlari Nurobod tumani Kengashi kotibiyat mudiri B.Oblanov hamda tuman Kengashi deputati D.Xushvaqtovlar hamkorlikda tumandagi Po‘latchi mahallasida bo‘lib, mahalla yettiligi a’zolari bilan uchrashuv o‘tkazdi.

➡️Uchrashuv davomida mahallada amalga oshirilayotgan ishlar, aholini qiynayotgan dolzarb masalalar hamda ularning yechimlari yuzasidan atroflicha fikr almashildi. Xususan, Po‘latchi mahallasi fuqarolar yig‘ini raisi D.Mardonov hududdagi elektr energiyasi ta’minoti va ichimlik suvi bilan bog‘liq mavjud muammolarni bartaraf etish bo‘yicha o‘z takliflarini bildirdi.

➡️Shuningdek, uchrashuvda mazkur masalalarni hal etishda mutasaddi tashkilotlar bilan hamkorlikni kuchaytirish, aholi murojaatlariga tezkor munosabat bildirish hamda infratuzilmani yaxshilash bo‘yicha amaliy chora-tadbirlarni belgilash yuzasidan fikrlar bildirildi.

➡️Yakunda Xalq deputatlari Nurobod tumani Kengashi kotibiyat mudiri B.Oblanov va tuman Kengashi deputati D.Xushvaqtov tomonidan mahalla faoliyati samaradorligini oshirish hamda mavjud muammolarni bosqichma-bosqich hal etish bo‘yicha tegishli taklif va tavsiyalar berildi.