Uchrashuv davomida yoshlarni qo‘llab-quvvatlash, ularning bandligini ta’minlash, zamonaviy kasb-hunarlarni egallashi, tadbirkorlik faoliyatini boshlashi hamda mamlakatimizda amalga oshirilayotgan islohotlarda faol ishtirok etishi masalalari muhokama qilindi.

 Samimiy muloqot tarzida o‘tgan tadbirda talabalarni qiziqtirgan savollarga javob berilib, ularning taklif va tashabbuslari tinglandi. Shuningdek, yoshlarning ta’lim olish, o‘z ustida ishlash va kelajakda yetuk mutaxassis bo‘lib yetishishlari uchun yaratilayotgan imkoniyatlar haqida fikr almashildi.

 Deputat yoshlarni bilim olishdan to‘xtamaslikka, yurt ravnaqi va jamiyat taraqqiyotiga daxldorlik hissi bilan yashashga chaqirdi.

 Uchrashuv ochiq va konstruktiv muloqot ruhida o‘tib, yoshlarning fikr-mulohazalari hamda tashabbuslarini qo‘llab-quvvatlashga xizmat qildi.

 Yoshlar bilan bunday uchrashuvlar ularning huquqiy ongi va fuqarolik faolligini oshirish, davlat va jamiyat hayotidagi ishtirokini yanada kuchaytirishda muhim ahamiyat kasb etadi.