Xalq deputatlari Xorazm viloyati Kengashi raisi O.Radjabov hamda Xalq deputatlari Qo‘shko‘pir tuman
Kengashi raisi M.Tangriberganov aholi salomatligini muhofaza qilish, ijtimoiy
himoyani kuchaytirish va davlat tomonidan ajratilgan bepul dori-darmonlarning
manzilli yetkazilishini ta’minlash maqsadida tumandagi 22- va 23-son oilaviy
poliklinikalar faoliyati bilan yaqindan tanishdilar. 

O‘rganish jarayonida aholiga bepul dori vositalarini tarqatish tizimi, tibbiy xizmat
sifati hamda ijtimoiy adolat tamoyillarining amaldagi ijrosiga alohida e’tibor
qaratildi. Mas’ullarga aholi murojaatlariga tezkor yondashish, tibbiyot
muassasalarida ochiqlik va shaffoflikni ta’minlash bo‘yicha tegishli
ko‘rsatmalar berildi.