Xalq deputatlari Boyovut tumani Kengashi tomonidan ijtimoiy muammolarni o‘rganish hamda joylarda amalga oshirilayotgan qurilish va ta’mirlash ishlarini monitoring qilish maqsadida maktab, bog‘cha va sog‘liqni saqlash muassasalarining holati o‘rganilmoqda.

Jumladan, Xalq deputatlari Boyovut tumani Kengashining 2026-yil 2-martdagi “Boyovut tumani mahalliy byudjetining 2026-yil boshiga hosil bo‘lgan erkin qoldiq mablag‘larni yo‘naltirish to‘g‘risida”gi qarori ijrosi yuzasidan quyidagi obyektlarda monitoring olib borildi:

Tuman madaniyat bo‘limi tasarrufidagi 19-sonli “Farhod” madaniyat uyini joriy ta’mirlash ishlari (100 mln so‘m).

Ajratilgan mablag‘lar hisobidan amalga oshirilayotgan ta’mirlash ishlarining borishi joyida ko‘zdan kechirildi.

O‘rganishda Kengash kotibiyati mudiri X. Berdiyarova, tuman Madaniyat bo‘limi boshlig‘i Sh. Xolmurodov hamda tuman Iqtisodiyot va moliya bo‘limi boshlig‘i o‘rinbosari F. Xudaynazarovlar ishtirok etdi.

Monitoring davomida aniqlangan holatlar yuzasidan tegishli mas’ullarga topshiriqlar berildi va ishlar sifatini oshirish zarurligi ta’kidlandi.