🌟O‘zbekiston Respublikasi Oliy Majlisi Senati Kengashining 2024-yil 29-noyabrdagi KQ-6-V-sonli hamda xalq deputatlari Uzun tumani Kengashining 2026-yil 3-martdagi VII-14-14-8-118-K/26-sonli qarorlari ijrosini ta’minlash maqsadida Uzun tumanida tizimli ishlar davom ettirilmoqda.

Kengashning haftalik ish rejasiga muvofiq, aholi muammolarini o‘rganish va islohotlar natijadorligini tahlil qilish maqsadida navbatdagi o‘rganish tadbiri o‘tkazildi. Xalq deputatlari Uzun tumani Kengash kotibiyati xodimi Sh.Ergasheva hamda deputat A.Bakiyev 2-Shodlik saylov okrugiga qarashli “Bahoriston” mahallasida bo‘lib, xonadonlardagi ijtimoiy-iqtisodiy holat bilan yaqindan tanishdilar.

Xususan, yuqoridagi qarorlar ijrosi doirasida D.Choriyeva xonadonida hokim yordamchisi ishtirokida tomorqadan samarali foydalanish holati ko‘zdan kechirildi. Bugungi kunda ushbu xonadon sohiblari tomorqada qulupnay yetishtirishni yo‘lga qo‘yib, oilaviy daromad manbaiga aylantirgan. O‘rganish davomida mutasaddilar tomorqa madaniyatini yuksaltirish va aholi daromadlarini oshirish bo‘yicha zarur tavsiyalar berdilar.