DEPUTATLIK GURUHINING MANSABDOR SHAXS ESHITUVI

O‘zbekiston “Adolat” SDP tuman Kengashi deputatlik guruhi tashabbusi bilan "Deputatlik guruhi" yig‘ilishi bo‘lib o‘tdi. Yigilishda “Adolat” SDP deputatlik guruhi deputatlari O.A.Dadajonova, N.M.Isakov, F.S.Mirzayev, A.A.Erkaboyev, A.I.Alobidinov, “Adolat” SDP tuman Kengashi raisi N.A.Karimovlar ishtirok etdilar. 

Ushbu mansabdor shaxs eshituvida tuman prokuraturasi, tuman IIB tomonidan “Tumanda voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi qonunning ijrosi bo‘yicha 2023-yilning 1-yarim yilligi davomida amalga oshirgan ishlari hamda 2023-yil yakuni bo‘yicha belgilangan chora-tadbirlar to‘g‘risida”gi axborotlari hamda tuman Yoshlar ishlari bo‘limi tomonidan “”Yoshlar balansi” asosida yoshlarning ijtimoiy holati, qiziqishi va muammolarini hususiyatlaridan kelib chiqib, yoshlar bilan individual ishlash tizimi bo‘yicha tumanda amalga oshirilgan ishlar”, “Farg‘ona tuman Yoshlar ishlari bo‘limi tomonidan 2023-yilning 6 oyi davomida amalga oshirilgan ishlar yuzasidan” mas’ullarning hisobotilari eshitildi.

Yig‘ilish yakunida tuman prokuraturasi, tuman IIB, tuman maktabgacha va maktab ta’lim hamda Xalq deputatlari tuman Kengashi bilan hamkorlikda 2023-yilning 2-yarim yilligi bo‘yicha Tumanda voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi qonunning ijrosi bo‘yicha chora-tadbirlar rejasini ishlab chiqish va bu bilan tumandagi voyaga yetmaganlar, yoshlar o‘rtasida jinoyatchilikni oldini olish bo‘yicha ko‘rsatma berilib, tuman Kengashining navbatdagi sessiyasiga kiritilishi bo‘yicha qarorlar qabul qilindi.