#deputat_soʻrovi #poytaxtdeputatlari #deputatlik_faoliyati

❗️ “Sharof Rashidov” mahallasidagi piyodalar yo‘lagini kengaytirish masalasi takroriy deputatlik so‘rovi orqali ko‘tarildi

🏛 Xalq deputatlari Toshkent shahar Kengashi deputati Otabek Jiyanboyev tomonidan Mirobod tumani “Sharof Rashidov” mahallasidagi Chimkent ko‘chasi 2-uy oldida joylashgan piyodalar yo‘lagini kengaytirish va ta’mirlash masalasi yuzasidan Toshkent shahar hokimining transport va yo‘l infratuzilmasi masalalari bo‘yicha o‘rinbosari A. Baxtiyev nomiga deputatlik so‘rovi yuborildi.

📩 Mazkur masala dastlab Mirobod tumani “Sharof Rashidov” mahalla fuqarolar yig‘inidan kelib tushgan fuqarolar murojaati asosida ko‘tarilgan. Avvalroq, 2026-yil 17-sentabrda Toshkent shahar hokimligiga 108-ds-424-26-sonli deputatlik so‘rovi yuborilib, Chimkent ko‘chasi 2-uyga kirish qismidagi yo‘lning texnik holatini o‘rganish, asfalt qoplamasini ta’mirlash, shuningdek, uy yonidagi piyodalar yo‘lagini kengaytirish va uning yuza qismini ta’mirlash so‘ralgan edi.

📋 Ushbu deputatlik so‘roviga Mirobod tumani hokimligi tomonidan 2026-yil 21-sentabrda taqdim etilgan javobda ko‘p kvartirali uy mulkdorlarining umumiy yig‘ilishini o‘tkazish hamda hududni obodonlashtirish va kirish yo‘laklarini ta’mirlash ishlarini mulkdorlar tomonidan tasdiqlanadigan reja asosida amalga oshirish maqsadga muvofiqligi bildirilgan.

🔺 Biroq deputatlik so‘rovida qayd etilganidek, Chimkent ko‘chasi 2-uy oldidagi piyodalar yo‘lagining amaldagi holatini hisobga olgan holda, fuqarolarning xavfsiz va qulay harakatlanishini ta’minlash uchun yo‘lakni kengaytirish hamda uning yuza qismini zarur darajada ta’mirlash ehtiyoji saqlanib qolgan.

🔎 Shu munosabat bilan deputat Otabek Jiyanboyev tomonidan “Sharof Rashidov” MFY hududidagi Chimkent ko‘chasi 2-uy oldida joylashgan piyodalar yo‘lagining mavjud holatini mutaxassislar ishtirokida joyiga chiqib o‘rganish masalasi qayta ko‘tarildi.

📉 Deputatlik so‘rovida piyodalar yo‘lagini kengaytirish imkoniyatlarini ko‘rib chiqish, fuqarolarning xavfsiz va qulay harakatlanishini ta’minlash bo‘yicha tegishli choralarni belgilash, shuningdek, yo‘lakning yuza qismini zarur darajada ta’mirlash ishlarini amalga oshirish so‘ralgan.

📝 Shuningdek, Toshkent shahar hokimining transport va yo‘l infratuzilmasi masalalari bo‘yicha o‘rinbosari A. Baxtiyevdan mazkur ishlarni amalga oshirishning aniq muddatlari, belgilangan chora-tadbirlar va masalaning amaliy yechimi yuzasidan asoslantirilgan ma’lumotni 10 kun muddatda taqdim etish so‘ralgan.

🤝 “Sharof Rashidov” mahallasida piyodalar uchun xavfsiz va qulay harakatlanish sharoitlarini yaratish, Chimkent ko‘chasi 2-uy oldidagi piyodalar yo‘lagini kengaytirish hamda ta’mirlash bo‘yicha ko‘tarilgan masalaning amaliy yechimi deputat Otabek Jiyanboyev tomonidan nazoratga olindi.

📱 Telegram 📱 Instagram 📱 Facebook 📱 YouTube 🔎 E-kengash