Xalq deputatlari Chilonzor tumani Kengashi deputati Ahmedov Shuxrat Murotovich tomonidan Kengashning ish rejasida belgilangan vazifalar ijrosi doirasida “G‘avhar” mahalla fuqarolar yig‘inida o‘rganish ishlari olib borildi.
O‘rganish jarayonida mahalladagi ijtimoiy ehtiyojmand aholi qatlamlariga ko‘rsatilayotgan ijtimoiy xizmatlarning sifati, kam ta’minlangan oilalarga ijtimoiy nafaqalar va moddiy yordam tayinlash hamda to‘lash bilan bog‘liq ishlar ko‘rib chiqildi.
Jumladan, “G‘avhar” MFY ijtimoiy xodimi Tadjiyeva Adolat tomonidan aholining ijtimoiy ehtiyojlarini aniqlash, fuqarolarga tegishli ijtimoiy xizmatlarni ko‘rsatish, ehtiyojmand oilalarni qo‘llab-quvvatlash borasida amalga oshirilayotgan ishlar o‘rganildi.
Shuningdek, Ijtimoiy reyestrda kambag‘al oila sifatida ro‘yxatga olingan oilalarning mavjud muammolari, ularni kambag‘allikdan chiqarish bo‘yicha olib borilayotgan ishlar ham tahlil qilindi.
📊 Bugungi kunda “G‘avhar” mahallasida 23 ta kambag‘al oila ro‘yxatga kiritilgan bo‘lib:
🟢 4 ta — yashil toifadagi;
🟡 10 ta — kambag‘allik chegarasidagi sariq toifadagi;
🔴 9 ta — davlat ta’minotidagi qizil toifadagi oilalarni tashkil etadi.
O‘rganish yakunlari bo‘yicha aholining ijtimoiy ehtiyojmand qatlamlariga xizmat ko‘rsatish sifatini yanada oshirish, ehtiyojmand oilalarni manzilli qo‘llab-quvvatlash hamda ularni kambag‘allikdan chiqarish bo‘yicha tegishli taklif va tavsiyalar berildi.
🤝 Kengash ish rejasida belgilangan vazifalarning amaliy ijrosini ta’minlash, aholi muammolarini joyida o‘rganish va ularning yechimiga ko‘maklashish — deputatlik faoliyatining muhim yo‘nalishlaridan biridir.