AHOLI MUROJAATLARI BILAN ISHLASH HOLATI O‘RGANILDI

Sessiya kun tartibiga kiritilgan masala yuzasidan Namangan shahar hokimligining Murojaatlar bilan ishlash bo‘limida 2026-yil I choragi davomida aholi murojaatlari va muammolari bilan ishlash holati hamda kelgusidagi vazifalar ijrosi joyiga chiqqan holda o‘rganildi.

O‘rganish davomida jismoniy va yuridik shaxslarning murojaatlarini qabul qilish, ko‘rib chiqish va ijrosini ta’minlash, takroriy murojaatlar bilan ishlash, sayyor qabullar natijadorligi hamda murojaatlarda ko‘tarilgan muammolarni bartaraf etish borasida amalga oshirilgan ishlar tahlil qilindi.

Shuningdek, murojaatlarni ko‘rib chiqish muddatlariga rioya etilishi, ijro intizomi, hisobot ma’lumotlarining haqqoniyligi va amalga oshirilgan ishlarning samaradorligi o‘rganilib, aniqlangan kamchiliklarni bartaraf etish hamda faoliyat samaradorligini yanada oshirish yuzasidan tegishli taklif va tavsiyalar ishlab chiqildi.

O‘rganish natijalari umumlashtirilib, sessiya muhokamasiga kiritish uchun tegishli xulosa tayyorlandi.